Este curso 2014 – 2015 o CEP Xesús Ferro Couselo
participou no Plan Proxecta, concretamente no Proxecto Móvete +.
Enlace para coñecer mellor o Proxecto Móvete +
Enlace para coñecer mellor o Proxecto Móvete +
Móvete +
foi unha proposta para toda a comunidade do centro educativo. Tratábase de
promover a actividade física a través dunha acción de carácter lúdico,
transversal, divertida e ao mesmo tempo sumar máis cantidade de exercicio
físico para achegarnos ao que recomenda a Organización Mundial da Saúde.
Comezamos
cunha enquisa sobre os hábitos de vida saudable do alumnado, para coñecer como
era a alimentación, descanso, hixiene, actividade física... dos nosos alumnos/
as. Unha vez analizados os resultados comezamos a traballar para mellorar.
Produto
disto foi a exposición que montamos nos corredores do colexio, na cal para
poder vela enteira tiñas que moverte +.
Ademais ao
longo do curso realizamos moitas actividades deportivas, nas cales estabamos
facendo exercicio físico: multiliga nos recreos, Campo a través, piragüismo,
xornadas de iniciación ao judo, baile deportivo...
Pero... o máis
divertido de todo, foi o produto final que implica o proxecto Móvete +. Tivemos
que preparar unha coreografía para demostrar todo o que nos movemos. Cal podía
ser o tema desta coreografía? Como todos ben sabedes, no noso colexio estamos
moi implicados nas tradicións e costumes de antes, polo que pensamos que a
malla, a sementeira... debían formar parte do noso proxecto. A través desta
coreografía tratamos de reproducir todo o ciclo da elaboración do pan: sementandooo, apañandooo, amasandooo, cocendooo
e comendooo !!!
E todo isto... MOVÉNDONOS +!
No hay comentarios:
Publicar un comentario